2009-2011 წ.წ. – ხმოვანი ალბომები სერიიდან „ქართული საგანძური“: „ მუსიკალური ფოლკლორი“, „ პოეზია“, „კინომუსიკა“ (ექსკლუზიურად თიბისი ბანკისთვის). სერიაში გამოყენებულია საქართველოს საზოგადოებრივი მაუწყებლის აუდიო ფონდში დაცული მასალები და საქართველოს არქივებში და მუზეუმებში მოძიებული ფოტო მასალა.
2009 „მუსიკალური ფოლკლორი“: „ქართულ სიმღერასთან პირველი ნაცნობობა მოულოდნელობას იწვევს. იგი მთლიანად მოიცავს იმ ქვეყანას , რომელსაც გამოხატავს. მეორეს მხრივ კი , ქართული სიმღერა არ გამოხატავს იმ ქვეყანას , რომლის ხმად ყოფნაც არგუნა ბედმა. ის გამოხატავს რაღაცას ძალიან შორეულს , რომელსაც არასოდეს უწერია სიკვდილი. ქართული სიმღერა უფრო მინიშნებაა იმაზე, რომ ყოველგვარი გარეგნული ცვლილება, ბედი, თუ უბედობა, სრულიად პირობითია. ეს ასეთი ხმაა.“ – აკა მორჩილაძე;
ალბომი მოიცავს ორ აუდიო კომპაქტდისკს,რომელზეც ჩაწერილია საქართველოს ყველა კუთხის ხალხური მუსიკის რჩეული ნიმუშები. ალბომი დასურათებულია საქართველოს უნიკალური ბუნების და არქიტექტურული ძეგლების ნაკლებად ცნობილი ფოტოებით. ტექსტის ავტორები: აკა მორჩილაძე , ნანა ქავთარაძე , გიორგი გარაყანიძე კომპაქტდისკი მოამზადეს: მიშა კოლისანიძემ , გიორგი დონაძემ , მიხეილ ჯავახიშვილმა. კონსულტანტი – ანზორ ერქომაიშვილი. დიზაინი – „აბკ გრაფიკს“;
2010 – „ქართული პოეზია“ „ქართული სიტყვა მარადიულობასთან არის წილნაყარი და მას გაქრობა,სიკვდილი არ უწერია.“ ემზარ კვიტაიშვილი ჩვენ გვეძლევა საშუალება მოვუსმინოთ პოეტთა ცოცხალ ხმებს, მათ ავტორისეულ წაკითხვას. აგრეთვე ალბომში შესულია ჩვენი სახელგანთქმული მსახიობების ჩანაწერებიც და უცხოელი პოეტების და მთარგმნელების ხმები. ალბომი გამდიდრებულია XIX – XX სს. პოეტთა და ლიტერატურის მოღვაწეთა ფოტო მასალით. ტექსტების ავტორები – ემზარ კვიტაიშვილი , ნესტან მესხი; კონსულტანტები – ვახტანგ როდონაია , ნინო ჟღენტი. მხატვარი – მაია სუმბაძე; დიზაინი – ნინი ფალავანდიშვილი;
2011 – „კინომუსიკა“ „მადლიერი ვარ განგების, რომელმაც მარგუნა ბედი თანაავტორი ვყოფილიყავი იმ ჩემთვის სათაყვანებელი პიროვნებების,რომლებთან ურთიერთობამ ჩემს შემოქმედებას ბევრი რამ შესძინა“ – გია ყანჩელი. ალბომი წარმოადგენს XX საუკუნის 10-90 წწ. უნიკალურ ჩანაწერებს. წიგნი დასურათებულია ფოტოებით,რომლებიც ასახავენ ქართული კინოს იმ ქმნილებებს,რომელთა დრამატურგიაში მუსიკას განსაკუთრებული ადგილი უჭირავს. ტექსტის ავტორი – მანანა კორძაია; სტატიის ავტორები – მერაბ კოკოჩაშვილი, გია ყანჩელი. მუსიკალური რედაქტორი – ია საკანდელიძე; ფოტოალბომი – ქეთევან ტრაპაიძე, ქეთევან ჯანელიძე; დიზაინი – სანდრო ჩხაიძე.
